ការប្រើប្រាស់ យូសាហ៊ីឌី និង វិបផតថល​​​អំពីស្រី្ត ដើម្បី​រាយ​ការណ៍​អំពី​អំពើ​ហិង្សា​ទាក់​ទង​នឹង​យេនឌ័រ

លោកស្រី ជឹមម៉ាណាវី មាន ប្រសាសន៍ ស្វាគមន៍ សិក្ខាកាម ក្នុង​វគ្គ​បណ្ដុះបណ្ដាល​​នៅ​​វិទ្យាស្ថាន​បើកទូលាយ ភ្នំពេញ​ថ្ងៃទី៣០ខែមករាឆ្នាំ២០១៣​ រូបភាព៖ វិទ្យាស្ថាន​បើកទូលាយវគ្គ​បណ្ដុះបណ្ដាល​ស្ដីពី​ការ​ ប្រើប្រាស់​យូសាហ៊ីឌី​និង​វិបផត​ថល​ស្ត្រី​ត្រូវ​បាន​ធ្វើ​ឡើង​នៅ​វិទ្យា​ ស្ថាន​​​​​​បើក​ទូលាយ​ក្រោម​កិច្ច​សហការ​ពី​ក្រសួង​កិច្ចការ​នារី​ ​សម្ព័ន្ធ​ជាតិ​សង្កាត់ និង​និង​​គណៈកម្មាធិការ​នៃ​អង្គការ​មិន​រដ្ឋាភិបាល​កម្ពុជា​ដើម្បី​អនុសញ្ញា ​លុប​បំបាត់​រាល់ទម្រង់​រើស​អើង​លើ​ស្រ្តី​ភេទ​ ( NGO-CEDAW) ​កាល​ពី​​ថ្ងៃ​ទី​​៣០​ខែ​​មករា​ឆ្នាំ​២០១៣​។​ ចូល​រួម​ក្នុង​វគ្គ​បណ្ដុះបណ្ដាល​នោះ​មាន​សិក្ខា​កាម ​ចំនួន​១៥​នាក់​ ​​ដែល​សិក្ខាកាម​ទាំង​នោះ​មក​ពី​អង្គការ​នានា​ដូចជា​ អង្គការ​ដៃ​គូរ​សម្រាប់​ការ​អប់រំ​(NEP) ​ក្រុម​​​​ការពារ​អ្នក​ច្បាប់​​កម្ពុជា(CDP) អង្គការ​អភិវឌ្ឍន៍​សហគមន៍​(CODO) អង្គការ​អភិរក្ស​​និង​​អភិវឌ្ឍ​កម្ពុជា(CDCAM)​អង្គការ​ស្ត្រី​កម្ពុជា​ សម្រាប់​សន្តិភាព​និង​ការ​អភិវឌ្ឍ(CWPD)មជ្ឈមណ្ឌល​​កម្ពុជា​ការពារ​សិទ្ធិ​ កុមារ​(CCPCR)អង្គការ​វេទិកា​អង្គការ​មិន​មែន​រដ្ឋាភិបាល​(NGO​Forum) អង្គការ​សម្រប​សម្រួល​ក្រុម​ស្រាវជ្រាវ​ជំងឺ​អេដស៍​និង​ការ​ភៀសខ្លួន(CARAM) អង្គការ​ខេមរា គណៈកម្មាធិការ​លើក​កម្ពស់​ស្ត្រី​ក្នុង​ឆាក​នយោបាយ(CPWP) សមាគម​មគ្គុទ្ទេសក៍​ នារី​កម្ពុជា(GGAC) ក្រុមប្រឹក្សា​យុវជន​កម្ពុជា(YCC) មជ្ឈមណ្ឌល​អភិវឌ្ឍ​សង្គម(CSD) សមាគម​យុវជន​ខ្មែរ(KYA) ​និង​អង្គការ​និចហ្វិក។
 
​ ក្នុង​ប្រសាសន៍​ស្វាគមន៍​លោកស្រី​ជឹមម៉ាណាវី​ដែល​ជា​នាយិកា​អង្គការ​ វិទ្យាស្ថាន​បើក​ទូលាយ​បាន​អោយ​ដឹង​​​​ថា​​គោល​បំណង​ក្នុង​វគ្គសិក្សា​នេះ​ គឺ​មាន​ទិសដៅ​លើក​កម្ពស់​សមត្ថភាព​របស់​អង្គការ​សមាជិកNGO-CEDAW អង្គការ​ធ្វើ​ការងារ​អំពី​ស្ត្រី​​និង​ស្ថាប័ន​ដែល​កំពុង​ធ្វើ​កិច្ចការ​ ពាក់ព័ន្ធ​នឹង​អំពើ​ហិង្សា​ទាក់ទង​នឹង​​យេនឌ័រ​អោយ​ចេះ​ប្រើប្រាស់​ កុំព្យូទ័រ​​ជា​ភាសា​ខ្មែរ​ និង​កម្ម​វិធី​យូសា​ហ៊ីឌី​​ក្នុង​ការ​ស្រាវជ្រាវ​ ទទួល​ រាយការណ៍ ពិភាក្សា​និង​ចែក​ចាយ​ព័ត៌មាន​នានា​ដែល​ទាក់​ទង​ទៅ​​​នឹង​អំពើ​ហិង្សា​ ទាក់ទង​នឹង​​យេនឌ័រ​អោយ​បាន​ប្រសើរ​ជាង​មុន​​។ លោក​ស្រី​ជឹម​ម៉ាណាវី​បាន​បន្ត​ថា​យូសាហ៊ីឌី​គឺជា​ឧបករណ៍​​មួយ​ដែល​អាច​អោយ​ គេ​ប្រមូល​ ព័ត៌មាន​និង​ផ្ទុក​ទិន្នន័យ​​ដែល​អាច​បង្កើត​​​បាន​ជា ផែនទី​ចង្អុល​បង្ហាញ​មួយ​ដែល​សិក្ខាកាម​អាច​ទាញ​យក​ឬ​ក៏​រាយការណ៍​បន្ថែម​ នូវ​ព័ត៌មាន​ដែល​ ទាក់ទង​ទៅ​នឹង​អំពើ​ហិង្សា​ទាក់ទង​នឹង​យេនឌ័រ​ដោយ​ងាយ​ស្រួល​។ កិច្ចការ​នេះ​នឹង​ជួយ​សម្រួល​កិច្ច​ការ​ប្រចាំ​ថ្ងៃ​របស់​សិក្ខាកាម​។ លោកស្រី​បាន​មាន​ប្រសាសន៍​បន្ថែម​​ទៀត​​ថា​ព័ត៌មាន​ទាំង​នេះ​វា​មាន​សារ​ សំខាន់​ យ៉ាង​ខ្លាំង​ចំពោះ​អ្នក​ដែល​ធ្វើ​ការ​ពាក់ព័ន្ធ​ទៅ​នឹង​ការ​ការ​​​ពារ​មិន​ អោយ​មាន​អំពើ​ហិង្សា​ទាក់ទង​នឹង​​យេនឌ័រ។​ លោក​ស្រី​បន្ថែម​ទៀត​ថា​អ្នក​តាក់តែង​គោល​នយោបាយ​នឹង​អាច​ទាញ​យក​​ទិន្នន័យ​ ពី​យូសាហ៊ីឌី​ដើម្បី​ទៅ​បង្កើត​​គោល​នយោបាយ​ពាក់ព័ន្ធ​ក្នុង​ការ​ទប់ស្កាត់​ អំពើ​ហិង្សា​ទាក់ទង​នឹង​​​យេនឌ័រ​នៅ​ប្រទេស​កម្ពុជា។
 
ថ្លែង​ក្នុង​ពិធី​បើក​វគ្គ​បណ្ដុះបណ្ដាល​នេះ​លោកស្រី​កាសូម៉ី​ អនុ​ប្រធាន​ក្រុមប្រឹក្សាភិបាល​របស់​អង្គការ​​វិទ្យា​ស្ថាន​បើក​ទូលាយ​និង​ ជា​ទីប្រឹក្សា​ក្រសួង​កិច្ចការ នារី​បាន​កត់​សម្គាល់​ពី​ភាព​ជោគជ័យ​របស់​អង្គការ​វិទ្យាស្ថាន​បើកទូលាយ​ ក្នុង​ការ​ធ្វើ​កិច្ចការ​ទាក់ទង​នឹង​បច្ចេកវិទ្យា​គមនាគមន៍​និង​​ព័ត៌មាន​ វិទ្យា​និង​អំពី​ស្ត្រី​​។ លោកស្រី​បាន បន្ត​ចំណាប់​អារម្មណ​ពី​សារ​សំខាន់​នៃ​បច្ចេកវិទ្យា​ ព័ត៌មាន​ជា​ពិសេស​​​អ៊ីនធឺណិត។ លោកស្រី​បាន​មាន​ ប្រសាសន៍​ពី​​ភាព​ចាំបាច់​នៃ​​អ៊ីនធឺណិត​មិន​ថា​ចំពោះ​ បុរស​ឬ​ស្ត្រី​ទោះ​ទេ​ជា​ជន​រង​គ្រោះ​ឬ​ក៏​មិនមែន​ជា​ជន​រងគ្រោះ​ដោយ​សារ​ អំពើ​ហិង្សា​ទាក់ទង​នឹង​យេនឌ័រ។ លោក​ស្រី​បន្ត​ទៀត​ថា​អ៊ីនធឺណិត អាច​ផ្ដល់​អោយ​យើង នូវ​ព័ត៌មាន​និង​ទិន្នន័យ​ហើយ​ជន​រងគ្រោះ​អាច​រាយការណ៍​តាម​ប្រព័ន្ធ​ អ៊ីនធឺណិត​ដែល​មាន​លក្ខណៈ​ងាយ​ស្រួល​ជាង​ទៅ​ជួប​ប៉ូលិស​​ឬ​ក៏​មេ​ឃុំ។ ជាមួយ​គ្នា​នោះ​ដែរ​ប្រព័ន្ធ​អ៊ីនធឺណិត​គឺ​លោក​ស្រី​សំ​ដៅ​ទៅ​លើ​​ឧបករណ៍​ យូសា​ហ៊ីឌី​និង​វិប សាយ​អំពី​ស្ត្រី​មាន​សារៈសំខាន់ សម្រាប់​អ្នក​សរសេរ​គោល​នយោបាយ​ក្នុង​ការ​ប្រមូល​យក​ទិន្នន័យ​និង​កំណត់​យក​ ទិសដៅ​អាទិភាព​ក្នុង​ការ​ធ្វើ​កិច្ចការ​ប្រឆាំង​ទៅ​នឹង​អំពើ​ហឹង្សា​ទាក់ទង​ នឹង​យេនឌ័រ​នៅ​ក្នុង​ប្រទេស​កម្ពុជា​។​
 
លោកស្រី ​កាស៊ូម៉ី​មាន​ប្រសាសន៍​ទៅកាន់​សិក្ខាកាម​ក្នុង​ពិធី​បើក​វគ្គ​បណ្ដុះបណ្ដាល ​នៅ​អង្គការ​វិទ្យាស្ថាន​បើកទូលាយ ភ្នំពេញថ្ងៃទី៣០ខែមករាឆ្នាំ២០១៣ រូបភាព៖ វិទ្យាស្ថាន​បើកទូលាយវគ្គ​បណ្ដុះបណ្ដាល​ពេញ​មួយ​ថ្ងៃ ​នេះ​គឺ​ជា​ផ្នែក​មួយ​នៃ​គម្រោង​ដែល​រៀបចំ​ដោយ​អង្គការ​វិទ្យាស្ថាន​បើក​ ទូលាយ​ និង Association for Progressive Association(APC) ក្រោម ​ការ​ឧបត្ថម្ភ​គាំទ្រ​ដោយ​គម្រោង​ស្ប៉ាយឌ័រ (The Swedish Program on ICT for Developing Regions-SPIDER) របស់​ប្រទេស​ស៊ុយអែត។​វគ្គ​បណ្ដុះបណ្ដាល​នេះ​ចែក​ចេញ​ជា​ពីរ​វេន​ដែល​ក្នុង​ វេន​ទី​មួយ​សិក្ខា​កាម​សិក្សា​ទ្រឹស្ដី​នា​នា​ទាក់ទង​នឹង​យេនឌ័រ​និង​​ បច្ចេកវិទ្យា គមនាគមន៍​និង​ព័ត៌មានវិទ្យា​សម្រាប់​ការ​អភិវឌ្ឍន៍​និង​អំពី​អំពើ​ហិង្សា​ ទាក់ទង​នឹង​​​​យេនឌ័រ​។​​​ក្នុង​វេន​ទីពីរ​សិក្ខាកាម​បាន​អនុវត្ត​ចូល​ទៅ​ ក្នុង​វិប សាយ​អំពី​ស្ត្រី​ហើយ​បញ្ចូល​ទិន្ន​ន័យ​​​តាម​ប្រព័ន្ធ​យូសាហ៊ីឌី​។ សិក្ខាកាម​បាន​រាយការណ៍​ពី​ករណី​ហិង្សា​មួយ​ចំនួន​នៅ​លើ​ប្រព័ន្ធ​យូសាហ៊ីឌី ​នោះ។ លោក​យិនភារ៉ូ​ជា​ជំនួយ​ការ​គម្រោង​របស់​​មជ្ឈ​មណ្ឌល​​កម្ពុជា​​ការពារ​​ សិទ្ធិ​​កុមារ​បាន​បញ្ជាក់​ថា​វគ្គ​សិក្សា​នេះ​មាន​សារៈ​សំខាន់​ណាស់​។​​ គាត់​រីករាយ​នឹង​សិក្សា​ពី​ឧបករណ៍​យូសា​ហ៊ីឌី​​និង​វិប សាយ​អំពី​ស្ត្រី​ប៉ុន្តែ​គាត់​បាន​បង្ហាញ​ពី​ក្ដី​​កង្វល់​ផង​ដែរ​អំពី​ការ​ ចែក​រំលែក​ព័ត៌មាន​នេះ​ទៅ​កាន់​ប្រជាពលរដ្ឋ​ក្នុង​សហគមន៍​ពីព្រោះ​ចំណេះ​ដឹង ​ផ្នែក​បច្ចេកវិទ្យា​របស់​ពួកគាត់​នៅ​មាន​កម្រិត​។​ លោក​ឡេកចានឌី​ជា​សិក្ខាកាម​មួយ​រូប​មក​ពី​អង្គការ​អភិវឌ្ឍ​សហគមន៍​សំណូមពរ​ អោយ​អង្គការ​វិទ្យាស្ថាន​បើកទូលាយ​បើក​វគ្គ​បណ្ដុះបណ្ដាល​នេះ​ទៅ​កាន់​ អង្គការ​ដៃ​គូរ​ឬ​មិនមែន​ដៃ​គូរ​ពីព្រោះ​វា​មាន​សារ​សំខាន់​ក្នុង​ការ​ទប់​ ស្កាត់​អំពើ​ហិង្សា​ទាក់ទង​យេនឌ័រ​​។
 
លោក​កែ​សម្រេច​ជា​សិក្ខាកាម​មក​ពី​អង្គការ​ខេមរា​បង្ហាញ​ពី​ភាព​រីករាយ​របស់ ​លោក​ក្នុងការ​ចូល​រួម​វគ្គ​សិក្សា​នេះ។ ​គាត់​មាន​ប្រសាសន៍​ថា​យូសាហ៊ីឌី​ពិត​ជា​មាន​សារ​សំខាន់​សម្រាប់​​អោយ​អ្នក​ ទាំងឡាយ​រ�;/files/gbv-ushahidi/Ushahidi-training- 29-30-31Jan.ppt">មេរៀន​អំពី​យេនឌ័រ​និង​បច្ចេកវិទ្យា គមនាគមន៍​និង​ព័ត៌មាន​វិទ្យា​សម្រាប់​ការ​អភិវឌ្ឍ​

 
 
 

កម្ពុជា